Thursday 4 October 2012

Mizo Keyboard Layout for PC [mizokeys]

Update: 2021 May 30

This post is old, and I cringe when I read it. So, instead of going down, here is the update:

Link khu a thi tawh a, new link here (Google Drive)

Normal Mode:

Q = Ṭ, q = ṭ

AltGr (Alt+Ctrl) Mode:

AltGr + q = q,
AltGr + Q = Q
AltGr + 4 = ₹

Supported Dead keys/Thlûkna hman theihte:
â = ^ + a, Â = ^ + A
á = ' + a
ä = " + a
à = ` + a
ã = ~ + a

Hman dan chiang zawk download ah a awm e.
------------------------------------------------------------------------------

Published: 04/10/2012 14:56
Kum khat meuh a liam ta a, download 4300+ a awm tawh a, a lawmawm khawp mai. A vawikhatna atán keima'n a hranpain ka han post ve a ni e.


Hemi keyboard layout hmang hian US keyboard pângngaia awm lo: ṭ/Ṭ, ₹(Indian rupee symbol) leh thlûkna hrang hrang{â,á,à,ä, adt) awlsam takin i type thei dâwn a ni....[a hman dàn kimchang chu a download-ah a awm e].

A chanchin täwi:
Hun rei tak chhúng computer ka lö hmélhriat hnûin mizo ṭawnga thuziak tam tak ka lö hmu ve ṭeuh a, mahse kan mizo ṭawnga hawrawp 'special' tak 'ṭ' hi han chhut maina a awm lo bawk nèn, mi tam tak hian 't' emaw, 'tr' emaw hi an hmang mai ṭhina, hei hian eng ngati nge 'ṭ' chhutna kan neih loh? Neih a hun tawh viau lo maw? tiin ka ngaihtuah ṭhin a. Tin, thildang leh chu thlûkna hi chhut theih thö ni mah se, software tam takah a theih mai loh avangin mi tam tak chuan a UNICODE value hmangin buaithâk deuhin an chhu ṭhin a, hei pawh hi awlsam taka tih dan a awm thö avangin US International keyboard layout-ah chuan 'ṭ' leh Indian rupee symbol '₹' chu ka dahbelh ta a ni. A thiam zâwkte chuan a hmá paw'n an lö hmang tawh ngei anga, kei pawhin keima hman a ka tih a ni a, mahse ka ṭhianpa chuan a ṭha a tih êm avangin a post kual ta a, mi tam takin an hman phah ta a, a lawmawm hlë a ni.

A tirah khán, ka sawi tawh angin private use atána ka tih vàngin a Hrilhfiahna [description/ Readme] kha ka lö telh lova, tüna miah hi chuan a awm tel e. Tin a ṭhenin Indian Rupee symbol kha an hmu thei lo a, hei hi an computer system a Font an hmanin a support loh vang a ni a, font lär zuälte ka tihdanglam hmangin an hmu thei ang. Hetah hian a download theih bawk e. Chutiang bawkin 'ṭ' pawh in hmu thei lo a nih chuan in software hmanlaiin a support lo[non-unicode software] a nih loh vëk pawhin, in font hmanah a awm tel lo a ni thei. 'ṭ' hi ASCII set ah a tel lova, UNICODE set ah, hla deuh hlekah a awm avangin Unicode Font ni lo chuan an nei vek kher lo bawk hin a ni.


Download Link: Mizokeys [500KB]
Tin font kha hetah a download theih bawk e: Fonts [4MB]

Ka läwm e...
PS: Kan ṭawng hi a la naupang êm êm a, hei hi Standard Layout a ni lova, tün thlengin Standard Layout pawh a awm hek lova, mithiamte'n/thuneitute'n hmá lâk a, keyboard layout pawh hi Standardise a hun tawh hlë a ni.

No comments:

Post a Comment