Friday 24 May 2013

Android Mobile-a Ṭ/ṭ leh INR symbol ₹ chhut dàn

Android mobile hmangte tán mobile aṭanga ṭ leh ₹ chhut duh chuan heti hian awlsam deuhin i chhu thei ang:

Keyboard app MultiLing keyboard (1MB pawh tling lo!) i download ang a, chuan a hnuaia mi ang hian i ti dawn nia:
  1.  MultiLing chu hawng la, chuan Keyboard settings:
  2. Chuan Long-Press (a.k.a press and hold)
  3. A dawt page ah khan han scroll thla deuh la a tàwpah khán Symbols tih pahnih a lo awm a, 'tah khan i symbol duh duh i dah thei ang.
  4. A hmasa zâwk (Customise 2nd row symbols) ah khan heti hian ka dah a, mahse mahni duh duh a dah mai theih a ni. A tirah chhu thei lo mahla, hmun danga mi copy/paste mai tùr a ni.

    2nd row symbols
  5. Chutiang bawkin 3rd row symbols pawh. Ṭ hi hawrawp të dah mai hi a tawk a, Shift han hmeh khan a mahin a in-capitalise ve mai a ni:

    Chuan hei hi a final keyboard layout chu a ni e.

    Hêngho bâkah hian symbols tam tak a hemi keyboard hmang hian a hmehchhuah theih a, ka fak hlë a ni. :)

    Note: ṭ/Ṭ leh ₹ hi i mobile a i hmuh theih loh [a aia square box emaw engmah a lan loh] chuan hei hian awmzia a nei lovang. Font (full unicode) i install phawt a ngai mai thei, tin i phone root pawh a ngai mai thei. 'ṭ/Ṭ' a lan chuan buaina tur a awm love.

3 comments:

  1. Va tha mai mai e... Tangkai lutuk.. I fel thin e :)

    ReplyDelete
  2. Midang pawhin min zawh apiangin a link hi ka lo share mai a, comment nachang lah chu an hre hauh lo lehnghal!

    ReplyDelete